A parte da Galería de Arte consérvase, en Ferrol, na Casa dos Cadros.

As aulas de debuxo e pintura comezan unha nova etapa en Málaga, onde Carmen e Anxo residirán a partir de agora. A nova andaina terá o nome de Pinta Málaga.

En calquera dos dous casos, ademáis de seguer o enlace correspondente, podedes falar directamente con Carmen e Anxo nos seus respetivos teléfonos, o 657033782 e o 6665491386

Durante este tempo tivemos matriculados case 2000 alunos dos cais algúns comezaron de nenos nos cursos de arte infantís e hoxe son licenciados en Belas Artes ou titulados en ilustración, interiorismo, fotografía…

Pola nosa escola pasaron mestres como Pilar Freire, Kiko Delgado, Álvaro de la Vega, Eduardo Hermida, González Collado, María Manuela Díaz, Chus García, Juan Pablo Etcheverry, e moitos máis…

Nestes anos celebramos puntualmente actividades como O Oficio do Pintor, nas que pintores de toda Galicia e parte do resto do estado amosaron en directo a súa arte en marabillosas xornadas de portas abertas: Patinha, María Manuela, Carmen Martín, García Patiño, Siro, Mariano Casas, Pipo Romero, Suso Basterrechea, Víctor Saavedra, Mónica de Juan, Isabel Rey, Dulce Anca, Antonio Janeiro, Anxo Varela, Leandro, Alfonso Costa…

Tamén organizamos conferencias, exposicións abraiantes como Arte&Café, concertos con motivo da Festa de San Lucas, patrón antigo dos pintores, nos que actuaron grupos como Sexfolia (folk), Música Doméstica, Malandança, Capela Compostelana (música antiga)…

Entre as actividades que temos feitas cos alumnos destaca a estrea anual de curtametraxes rodadas con nenos ou adultos, que deu como resultado unhas vinte obras do máis enxebre cine escolar, e que sempre estreamos con cheo total e grande éxito de público.

Nos últimos tempos a Escola convertiuse pouco a pouco nun lugar encantado, que albergaba o estudo e a meirande parte da obra pictórica dos seus fundadores, Carmen Martín e Anxo Varela. Pero na configuración deste espazo único sobre todo é a impresionante obra pictórica de Carmen Martín, tanto cualitativa como cuantitativamente. Obra en grande parte feita durante o seu ambicioso proxecto “Pintura en Acción”, desenvolvido  desde hai tres anos ao longo da xeografía galega e española, e da que a Escola Aberta foi a súa sé natural.

O último proxecto pretendía transformar a Escola Aberta no Estudo Aberto de Arte, un lugar no que os cadros de Carmen (e en menor medida tamén os de Anxo) expostos ao longo do local, fosen o eixo vertebrador dunha nova escola dirixida máis aos adultos, na que as aulas sairían ao exterior sempre que o tempo o permitira. Este novo proxecto figuraba nos últimos calendarios nosos -tan solicitados sempre- e tiña como enclave un local da rúa Real na zona de Herrera/Parador de Turismo. O roubo da instalación eléctrica recén rematada puxo bruscamente fin a este soño.

Mais o roubo só foi un paso máis. Unha longa agonía nestes últimos dous anos, que tentábamos conxurar co novo local da rúa Real, foi acabando coa escola dos primeiros tempos. Primeiro o Concello mantivo a nosa mazá aillada da cidade durante uns longos e incomprensíveis oito meses. Logo a fatalidade converteu o soto da Escola (onde estaba o laboratorio de Fotografía ou as aulas de apoio e o almacén de cadros) nunha esterqueira mercede ás inundacións que as obras de “mellora” do Concello proporcionaron amabelmente a tantos baixos da zona. A crise económica, lenta pero imparábel, fixo disminuir as nosas matrículas a unha décima parte do número orixinal. Só a pintura de Carmen Martín mantivo viva a escola máis alá do razoábel.

Agora, a Escola Aberta de Arte desaparece do mapa ferrolá, tras doce anos dos cais a meirande parte foron inesquecíbeis tanto para nós como para os nosos alumnos. Carmen e mais eu marchamos a Andalucía, a Málaga, onde iniciaremos unha nova etapa que a día de hoxe resulta moito máis difícil no noso benquerido Ferrol.

Mais, dalgún xeito, todos os nosos proxectos, a historia da Escola Aberta de Arte, non desaparecen de todo.

En Málaga comezará axiña a súa andaina “PINTA MÁLAGA”, un taller ao aire libre impartido por Carmen Martín e Anxo Varela no que os alumnos poderán aproveitar os máis de trescentos días de sol cos que conta esta bela capital do Sur.

Pero en Ferrol non só ficará o recordo. Co peche definitivo da Escola Aberta de Arte ábrese tamén A Casa dos Cadros*, unha alucinante galería de arte no centro de Ferrol, instalada nun vello piso da máis enxebre arquitectura ferrolá do cambio entre os séculos XIX e XX, que contén os cadros de Carmen Martín e Anxo Varela, e que pouco a pouco están a encher as paredes do fermoso piso.

A arte, como enerxía que é, non desaparece, só se transforma.

(*)Para visitar “A Casa dos Cadros” ou saber máis do noso programa de suscripción á Galería (que permite mercar os cadros a metade de prezo) podedes chamarnos ao 665491386 e concertar unha visita.

Hai tempo que non tiñamos un grupo de tarde, e o certo é que nos foi moi solicitado, polo que por fin o abrimos.

Agora dispomos de cinco horarios diferentes de aulas de pintura para poder asistir. Lembrade que é posíbel combinar os horarios segundo as necesidades.

Aínda que pareza o mesmo, a nova empresa ten unha orientación diferente. Agora somos un estudo de artista, no que haberá unha galería para exposicións e unha serie de servizos asociados, entre eles as actuais aulas de pintura e demais ensino, e a tenda de materiais, os encargos…

Estamos preparando a nova web, pero xa podemos adiantarvos dúas ofertas moi interesantes ás que podedes xa engancharvos mesmo aínda que non estea completado o traslado:

1. Suscripcións á Galería de Arte/Mecenato
   Unha maneira de mercar pintura e apoiar aos artistas obtendo importantes vantaxes económicas, desde só 10 € por mes. Catro modalidades de suscripción que levan os nomes de destacados mecenas da Historia: Adriano, Medici, Stein e Guggenheim con vantaxes como: adquisición de pinturas polo valor duplo ou triple -según modalidade- do invertido no ano. Descontos até o 25% sobre prezo de tarifa nas pinturas e obra gráfica mercadas na Galería. Agasallos artísticos exclusivos na data elexida (Nadal, cumpreanos, aniversario…). Descontos nas aulas da Escola de arte. Preferencia na reserva de obra sobre os non suscriptores.

2. Programa de Amizade da Escola
   Por cada amigo ou amiga que veña á Escola de Arte por ti obterás un desconto de 2 € na cota mensual das túas clases e o teu amigo ou amiga aforrará os cartos da matrícula (10 €). Até un máximo de 40 € de desconto por alumno. Acumulábel co desconto por familiares (20%) ou por suscripción/mecenato (ata 10%).

Adicionalmente, os que adopten o programa de mecenato ou amizade antes do traslado definitivo á Rúa Real aforrarán a mensualidade de Decembro de 2010.

Agardamos as vosas opinións.

Hoxe chegounos esta nota da Extensión Cultural da Universidade da Coruña. Xa temos datos concretos de como facer a inscripción nos cursos da UDC (Campus de Ferrol):

Xa está aberto o prazo para realizar a preinscrición nos obradoiros que organiza a Área de Cultura do campus de Ferrol no primeiro cuadrimestre do curso 2009-2010.

Obradoiros:

• Fotografía. Niveis Iniciación e Avanzado. Profesora: Rocío Brage Varela. Fotógrafa. Nivel Iniciación: martes, de 16.30 a 18.30 horas. Nivel Avanzado: martes, de 18.30 a 20.30 horas.
• Saber ver a arte. Profesor: Miguel Anxo Varela. Pintor e codirector da Escola Aberta de Arte. Mércores, de 17 a 19 horas.
• Invitación á filosofía ou como aplicar a análise crítica á vida cotiá. Profesora: Rebeca Roca Fraga. Licenciada en Filosofía. Xoves, de 17 a 20 horas.
• Animación con “Stop Motion” (técnica de animación a través da captura de fotografías). Profesor: Roberto Casteleiro e Diego Lamas. Sábados, de 10.30 a 14.30 horas.
• Audicións comentadas de rock. Profesor: Tomás Legido. Xestor cultural e representante musical. Mércores, de 19 a 20.30 horas.
• Artesanía en coiro: “O coiro nas mans”. Profesora: Gema Pita. Artesá e profesora. Luns, de 17 a 19 horas.
• A cultura científica. Desmontando os tópicos da divulgación científica. Profesora: Deborah García Bello. Licenciada en Química e escritora. Mércores, de 10.30 a 12.30 horas.

Datas:

Todos os obradoiros teñen como data prevista de comezo a última semana de outubro -caso de acadar o número mínimo de preinscritos- e desenvolveranse durante o primeiro cuadrimestre deste curso até febreiro do 2010.

Duración: 30 horas.

Matrícula: 35 euros membros da comunidade universitaria/ 45 persoas alleas.

Todos os obradoiros teñen créditos de libre elección.

Lugar de realización: campus de Esteiro.

A Oficina da Área de Cultura porase en contacto cos estudantes preinscritos para formalizar a matrícula, para o cal deberán recoller as follas de ingreso e entregar o exemplar azul (“exemplar para o centro”) despois do ingreso da cota no banco ou caixa.

Máis información: Oficina da Área de Cultura-Ferrol. Edificio de Apoio ao Estudo, 1.º andar. Campus de Esteiro. Ferrol. Tlf. 981 167 000. Ext. 3697. Correo electrónico: cultura.ferrol@udc.es  e na paxina web www.udc.es/cultura.

A primeira é o traslado, o cambio ao novo local, que aínda non ten data fixa, pero que será cedo, iso seguro. Xa estamos comezando as obras, e se todo vai ben, a finais de Outubro ou en Novembro -dependendo dos papeleos máis que doutra cousa- estrearemos local.

A segunda son os novos cursos:

1. Nenos. Polo de agora imos reducir as clases infantís a só un grupo, o do venres de 4 a 6, pero como novidade, será impartido de novo por Carmen Martín, que facendo un oco, accedeu a dar un grupo de nenos. Penso que con Témpera/Soutine de profesora, os nenos que poidan asistir neste horario serán uns auténticos privilexiados.
2. Adultos. Anxo Varela e Carmen Martín serán os mestres dos grupos de adultos. Os novos horarios poden consultarse aquí.
3. Historia da Arte. Pilar Freire segue coas súas clases de Historia da Arte, nos Xoves de 8 a 9,30
4. SABER VER A ARTE (A Arte desde dentro). Teremos unha nova edición da nosa colaboración coa Extensión cultural da Universidade da Coruña, neste curso que afronta aspectos da arte coñecidos polos artistas pero descoñecidos polo público en xeral. Con visitas a museos, escolas de arte, obradoiros de pintores, coñecendo a artistas de sona… O seu horario, os mércores de 5 a 7.

A terceira é o 10º Aniversario da Escola Aberta, para a que estamos a argallar unha edición corrixida e aumentada dos nosos festexos de San Lucas: un concerto, unha exposición e… O Oficio do Pintor, para o que o gran pintor coruñés Pedro Bueno Salto xa confirmou asistencia.

Pero, cando esteamos no novo local haberá moitas máis novidades, das que xa vos informaremos…

Temos boas novas: a Escola Aberta de Arte (que cumpre 10 anos en Outubro) múdase.

Xa temos un novo local, situado no mesmo centro histórico de Ferrol, na parte máis nobre da cidade. A nova sé está en plena Rúa Real, no número 190, frente ao Pazo de Capitanía.

Durante o verán estaremos acondicionando o local, para que a inauguración poda facerse en torno ao 10º Aniversario da Escola Aberta de Arte, o 18 de Outubro, festividade de San Lucas, antigo patrón dos pintores.

O novo local porá o acento na Galería de Arte e o Estudio de Pintura de Carmen Martín e Anxo Varela, aínda que non obstante contará cunha sala adaptada para impartir clases de arte e un espazo acondicionado para tertulias e reunións.

ACTUALIZACIÓN:
Como soe pasar -aínda que non foi directamente pola nosa culpa- as obras están a demorarse. De xeito que, a día de hoxe, xa comezadas, non sabemos a data definitiva do traslado.

Así pois o novo curso comeza en Outubro, cunha novidade nas aulas para nenos: só haberá un grupo: venres de 4 a 6, aínda que será impartido por Carmen Martín, a directora da Escola, e quen comezou coas aulas infantís hai xa dez anos…

Nun principio estaremos no local antigo (rúa do Sol, 11), xa o mesmo día 2 de Outubro. Máis adiante cambiaremos ao novo local, cando rematen as obras de acondicionamento.

Isto é porque estamos levando a cabo un cambio de aloxamento: a nosa web, que primeiro estivo en Infonegocio e logo en telefonica.net (ambos de Telefónica) está en proceso de traslado a aruba.it, outra empresa que ten mellores condiciones e un prezo moito máis competitivo, e na que temos xa hai tempo todos os nosos enderezos restantes: www.carmenmartin.com, www.anxovarela.com e www.hartismo.com

Así que tede paciencia, mentres podedes encontrar parte da información neste mesmo blogue.