Novo Local

Temos boas novas: a Escola Aberta de Arte (que cumpre 10 anos en Outubro) múdase.

Xa temos un novo local, situado no mesmo centro histórico de Ferrol, na parte máis nobre da cidade. A nova sé está en plena Rúa Real, no número 190, frente ao Pazo de Capitanía.

Durante o verán estaremos acondicionando o local, para que a inauguración poda facerse en torno ao 10º Aniversario da Escola Aberta de Arte, o 18 de Outubro, festividade de San Lucas, antigo patrón dos pintores.

O novo local porá o acento na Galería de Arte e o Estudio de Pintura de Carmen Martín e Anxo Varela, aínda que non obstante contará cunha sala adaptada para impartir clases de arte e un espazo acondicionado para tertulias e reunións.

Cambio de hosting da web

Estes días o enderezo web da Escola Aberta de Arte non está accesíbel.

Isto é porque estamos levando a cabo un cambio de aloxamento: a nosa web, que primeiro estivo en Infonegocio e logo en telefonica.net (ambos de Telefónica) está en proceso de traslado a aruba.it, outra empresa que ten mellores condiciones e un prezo moito máis competitivo, e na que temos xa hai tempo todos os nosos enderezos restantes: www.carmenmartin.com, www.anxovarela.com e www.hartismo.com

Así que tede paciencia, mentres podedes encontrar parte da información neste mesmo blogue.

Clase de pintura no exterior

Aínda que hoxe chove, onte fixo bo día e saímos a debuxar/pintar fóra.

Primeiro aproveitamos para ir ver o mural que Carmen Martín está a facer no CEIP Recimil (antigo Ibáñez Martín).

Logo estivemos nunha terraza da malograda Praza de España debuxando e pintando a fealdade, un exercicio consistente en explotar os “espazos negativos” para facer dun tema pouco interesante un debuxo con graza. A continuación póñovos este enlace a unha galería coas fotos.

Ver álbum

Consigue el tuyo

Debuxando a toda Costa

Xa hai un mes que comezamos co curso en Arte para Nenos.

Na última clase do grupo dos Venres (hai outro os sábados) fomos á Galería Sargadelos para debuxar bocexos dos cadros da exposición de Alfonso Costa, que logo os nenos terán que lembrar na aula.

Comezo do curso 2008-2009

Esta semana comezamos un novo curso. O venres comezan as aulas infantís.

Problemas de última hora impídennos comezar cos dous grupos (venres e sábados) desde o primeiro momento. Polo de agora só teremos clase de nenos os venres de 4 a 6. Máis adiante poremos en funcionamento o grupo dos sábados, pero neste momento é-nos imposíbel.

Necesitamos Modelos

Hoxe venres está a piques de rematar o curso de “Retrato y Desnudo”, que fai uso de modelo na súa segunda parte.

A raíz da organización deste curso démonos de conta de que a nosa lista de modelos precisa ser ampliada. Se queres pousar para nós, tanto para os cursos como para Carmen Martín e Anxo Varela, contacta coa Escola Aberta de Arte.

O traballo de modelo é gratificante, relaxado, e co teu aporte contribuirás á arte, obtendo unha compensación económica polas molestias.

Non precisas ter un corpo “10″ nin moito menos. Aceptamos xente de todas as estaturas, idades, sexos, condición física, pelaxe, credo, planeta…

Para contactar connosco, escríbenos un e-mail, chama aos teléfonos 665491386, 981320665, ou pásate pola Escola (Sol, 11, Ferrol).

¡Anímate!¡A Arte necesítate!

Curso de Retrato y Desnudo

A finais de Agosto, impartiráse na Escola Aberta de Arte o curso “Dibujo de Retrato y Desnudo”, un dos referentes dos nosos Cursos Monográficos.

As datas e o programa, aqui mesmo:

Curso de Retrato y Desnudo
Profesor: Miguel-Anxo Varela Diaz
Duración: 18 horas
Prezo: 125 €

Día	Tema	Detalle
Martes 26 de Agosto	Retrato 1	Teoría: Historia del retrato. Formas de dibujar cada rasgo. Práctica: Rasgos sueltos (ojos, narices, bocas…)
Miérco 27 de Agosto	Retrato 2	Teoría: Expresión y parecido en el retrato. Proporciones del rostro. Práctica: Diferentes vistas -con escorzos incluidos- y diferentes expresiones del rostro humano
Jueves 28 de Agosto	Desnudo 1	Teoría: El desnudo como tema. Partes del cuerpo. Práctica: Partes del cuerpo humano.
Viernes 29 de Agosto	Desnudo 2	Teoría: Proporciones del cuerpo. Composición y claroscuro en el desnudo. El dibujo en movimiento. Práctica: Diferentes posiciones y perspectivas. Escorzos. Movimiento.

Cada clase durará cuatro ou máis horas cun descanso no medio.

Aunque a Escuela facilitará papel e algúns úteis de debuxo, recoméndase traer un bloc de esbozo de tamaño DIN-A3 ou meirande, máis algún medio de debuxo como tinta, carboncillo, lápiz Conté, Sanguina…

O horario, en principio, é de 5 a 9 da noite nos días indicados máis arriba.

Aquí hai máis información sobre o curso (en castelán).

Recomezamos

Ola, tras varios meses -moitos- de inactividade, recuperamos este blogue.

A Escola Aberta de Arte estáse movendo, transformándose, cando xa estamos preto dos dez anos de vida, de traballo en prol da Arte nesta a nosa deprimida cidade.

Estamos a impartir novamente un curso no CAMF de Ferrol, e temos en proxecto varios cursos, en diversos centros e actividades.

Andamos a preparar a edición do X aniversario da Escola da actividade “O Oficio do Pintor”.

Pero sobre todo, a transformación definitiva da natureza da Escola: de ser principalmente unha escola de arte, pasará a ser o Estudio de pintura dos seus fundadores: Carmen Martín e quen escribe, Anxo Varela.

Para posibilitar isto, estamos a buscar un novo local, máis axeitado á nova configuración da escola: galería de arte con exposicións, estudio de pintura e por suposto aulas de arte.

Na nova sé haberá máis espazo adicado a expor as últimas obras de Carmen e Anxo, e sobre todo poderase ver, mes a mes, o avance na Pintura en Acción de Carmen Martín.

Revista de Cómics da Escola

Nos próximos meses a Escola Aberta de Arte vai preparar unha revista con cómics dos alumnos.

A idea xurdiu para dar saída ás inquedanzas creativas dalgúns alumnos que teñen no cómic -máis específicamente o cómic manga- como paixón.

Nesta revista poderán participar todos os alumnos da Escola que queiran.

A medida que vaiamos traballando neste proxecto iremos publicando os avances.

Aulas no Museo da Natureza

Esta semana os nosos alumnos de pintura deron a clase no Museo da Natureza. Gostoulles tanto aquelo que imos volver o próximo xoves pola mañá.

Os nenos dos grupos do Venres de 4 a 6, e os do sábado de 11 a 1 tamén irán alí a pintar esta semana.

En realidade a idea partiu de Carmen, que quería facer outro cadro máis para unir aos da exposición do Zucre, que tamén foran pintados alí na xornada reivindicativa do pasado 23 de Outubro.

Lembrade que hoxe Carmen inaugura tamén a exposición dos pés (”PIES”) na Escola de Enfermería e Podoloxía, ás 7,30 da tarde.